Իսպանիայում ընտանիքը գրեթե չորս տարի տնից դուրս չի եկել՝ վախենալով կորոնավիրուսից

Իսպանական Օվիեդո քաղաքում 53-ամյա գերմանացին գրեթե չորս տարի փակի տակ է պահել կնոջը և երկու անչափահաս երեխաներին՝ 8 և 10 տարեկան, դա արդարացնելով որպես պաշտպանություն հետկովիդային աշխարհից։

Ընտանիքն ապրել է վարձակալած տանը՝ Օվիեդոյի ծայրամասում գտնվող գյուղական վայրում։ Ընտանիքը տեղափոխվել է այնտեղ 2021 թվականի դեկտեմբերին, և այդ ժամանակվանից ի վեր երեխաները դպրոց չեն հաճախել և կապ չեն ունեցել արտաքին աշխարհի հետ։

Հարևանները նույնիսկ չեն իմացել, որ տունը բնակեցված է։

Ոստիկանությունը հետաքննություն է սկսել, երբ հարևանը պատուհանի մեջ նկատել է երեխաներին և այդ մասին հայտնել իշխանություններին։ Տան դռները բացվել են միայն առաքիչների կողմից բերված մթերքների փաթեթները ստանալու համար։ Սա կասկածներ է առաջացրել, և ոստիկանությունը տունը խուզարկելու օրդեր է ստացել։

2025 թվականի ապրիլի 28-ին խուզարկության ժամանակ տանը հայտնաբերվել են 8 և 10 տարեկան երկու երեխա՝ դիմակով և տակդիրներով։ Մայրը պնդել է, թե դա «կանխարգելման համար» է։

Հաղորդվում է, որ նրանք շարունակել են մեկուսացած մնալ նույնիսկ այն բանից հետո, երբ Իսպանիայում բոլոր կարանտինային միջոցառումները վաղուց վերացվել էին։