Էսօր ավելի շատ հակված ենք նրան, որ երեխուն տարել են. երկուամյա Տիգրանի հայր
Հասարակություն
Երկուամյա Տիգրանին արդեն 16 օր է՝ փնտրում են։ Տիգրանի հայրն ասում է՝ ջրից ինչ ասես հանել են, բայց երեխայի հետքը չկա ու չկա։
«Կատու են հանել, շուն են հանել, գառ են հանել, հորթ են հանել, շուն են հանել, բայց փաստն այն է, որ երեխան չկա ու չկա։ Ոչ մի վարկած էլ չեմ բացառում։ Կարող է տարել են։ «Կարող ա»-ն ո՞րն է, էսօր հակված ենք նրան, որ ավելի շատ երեխուն տարել են»,-ասաց հայրը։
Միաժամանակ նա նշում է, որ թշնամի չունի, որևէ մեկին չի կասկածում, որ կարող էր նման բան անել։ Որոնումներ կատարվել են բոլոր հնարավոր ու անհնար տեղերում։
«Մարմարիկի չէ, երևի Հայաստանի տարածքում նման բան չի եղել է, որ էս ծավալի աշխատանքներ իրականացվեն ու ոչ մի հետք չգտնեն»,-«Փաստինֆո»-ի հետ զրույցում ասել է Տիգրանի հայրը։
Նա նաև խնդրանքով է դիմել հայրենակիցներին։ Իրենք որևէ դրամահավաք չեն նախաձեռնել, ոչ մի հաշվեհամար չեն բացել, դրա անհրաժեշտությունը չկա։
«Եթե պետք լինի, ես անձամբ կդիմեմ որևէ լրատվականի միջոցով։ Մի հավատացեք ոչ մեկի, փող մի փոխանցեք։ Նման պիղծ մարդ չեմ տեսել։ Իրենց չեմ ցանկանա այն ցավը, որը ես ապրում եմ»,-ասաց Տիգրանի հայրը։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
