Ford-ը ետ է կանչում գրեթե 700,000 մեքենա ԱՄՆ-ում՝ վառելիքի արտահոսքից առաջացող հրդեհի վտանգի պատճառով

Ford ավտոկոմպանիան հայտարարեց, որ ԱՄՆ-ում ետ է կանչում 694,271 կросովեր՝ վառելիքի արտահոսքի վտանգի պատճառով, ինչը կարող է հանգեցնել շարժիչի հրդեհման։ Այս մասին հայտնում է Reuters-ը՝ հղում կատարելով ԱՄՆ ճանապարհային անվտանգության վարչությանը (NHTSA)։

Հետաքննությունը, որը տևել է մեկ տարի, պարզել է, որ որոշ Bronco Sport և Escape մոդելների վառելիքի ներարկիչները կարող են ճաքել, ինչի հետևանքով վառելիքը կթափվի շարժիչի հատվածում։ Չնայած խնդիրը առկա է ընդամենը 0.3% մեքենաների մոտ, ընդհանուր վնասը Ford-ին կարող է արժենալ շուրջ 570 միլիոն դոլար։

Խնդրահարույց մատակարարումը կատարել է իտալական Dumarey Flowmotion Technologies ընկերությունը։ Հուլիսին Ford հայտնաբերել էր, որ նույնիսկ վերանորոգված մեքենաների մոտ արդեն տեղի էին ունեցել հրդեհներ՝ նույն պատճառով։

Նշենք, որ 2025-ի առաջին կեսին Ford-ը արդեն ռեկորդային քանակով՝ մոտ 90 անգամ, ետ է կանչել իր ավտոմեքենաները։