Սլուցկին երկարաձգել է պայմանագիրը Չինաստանի «Շանհայ Շենհուա» ակումբի հետ

Ռուս հայտնի մարզիչ Լեոնիդ Սլուցկին որոշել է մնալ Չինաստանում՝ մինչև 2027 թվականը երկարաձգելով պայմանագիրը «Շանհայ Շենհուա» ֆուտբոլային ակումբի հետ։ Այս մասին հայտնել է թիմը Weibo սոցիալական ցանցում։

Սլուցկին թիմին միացել է 2024-ի հունվարից և արդեն հասցրել է նվաճել Չինաստանի երկու Սուպերգավաթ ու դառնալ երկրի փոխչեմպիոն։

Մարզիչը նշել է, որ Շանհայում արժանապատիվ կյանք վարելու համար իրեն անհրաժեշտ է մոտ 7-8 հազար եվրո՝ հաշվի առնելով, որ բնակվում է շքեղ հյուրանոցում և հավելյալ վճարում հարմարավետության համար։