Սոֆյա Ռոտարուն շտապ վաճառքի է հանել իր էլիտար հյուրանոցը

Հայտնի երգչուհի Սոֆյա Ռոտարուն շտապ ցանկություն է հայտնել վաճառել իր էլիտար հյուրանոցը Յալթայի ծովափին՝ զգալի զեղչով։ «Կոմսոմոլսկայա Պրավդայի» աղբյուրների փոխանցմամբ՝ նա վախենում է, որ կարող են անօրինաբար վերցնել իր ունեցվածքը։

Երկու տարի առաջ Ռոտարուի որդին՝ Ռուսլան Եվդոկիմենկոն, փորձել էր օբյեկտը վաճառել 25 միլիոն եվրոյով, սակայն գնորդ չէր գտնվել։ Տեղացիների խոսքով՝ հյուրանոցը մնացել էր անխնամ վիճակում, բայց վերջին շրջանում այն կրկին սկսել են պատրաստել վաճառքի։

«Մաքրողները եկել էին, ամեն ինչ մաքրում էին։ Հավանաբար Ռոտարուն վախեցել է՝ կորցնել շենքը, ու որոշել է վաճառել այն՝ գինը իջեցնելով», — հայտնել է աղբյուրը։