Սիրիայի նախագահի գրասենյակը դատապարտել է Սուեյդայում կատարված հարձակումները՝ խոստանալով պատժել մեղավորներին

Սիրիայի նախագահի գրասենյակը  հանդես է եկել հայտարարությամբ՝ Սուեյդայի նահանգում տեղի ունեցած հարձակումները որակելով որպես «հանցավոր և անօրինական վարքագիծ», որը չի կարող ընդունելի լինել։

«Մենք կտրականապես դատապարտում ենք այս սարսափելի գործողությունները և հավաստիացնում մեր լիակատար հանձնառությունը՝ կատարվածը հետաքննելու և մեղավորներին օրենքի ամբողջ խստությամբ պատասխանատվության ենթարկելու հարցում», — ասվում է պետական լրատվամիջոցների հրապարակած հայտարարության մեջ։

Նախագահի գրասենյակը  շեշտել է, որ անկախ այն բանից՝ մեղավորները անհատներ են, թե արգելված կազմակերպություններ, նրանք պատժվելու են խիստ օրինական ընթացակարգով։

Հայտարարությունում նաև ընդգծվել է, որ Սուեյդայի բնակչության անվտանգությունն ու իրավունքները «միշտ պաշտպանված կլինեն»։ Այս հայտարարությունն արվել է Իսրայելի կողմից Սուեյդայի վրա հարվածների ֆոնին։