Բրիտանիան հաստատել է՝ ռուսական զորքերը շրջապատում են Պոկրովսկը Դոնբասում

Բրիտանական պաշտպանության նախարարությունը հայտարարել է, որ ռուսական բանակի ստորաբաժանումները շարունակաբար շրջապատում են Պոկրովսկ քաղաքը Դոնեցկի շրջանում։ Այս մասին գերատեսչությունը հայտնել է «X» սոցիալական հարթակում։

Բրիտանական տվյալներով՝ Ռուսաստանի նպատակը Ուկրաինայի լոգիստիկ համակարգի խափանումն է այդ ուղղությամբ։ Հատուկ ընդգծվում է Ռոդինսկոյե գյուղը, որն ըստ Լոնդոնի՝ Պոկրովսկի հիմնական մատակարարման ուղին է։

Նախարարությունը նշել է, որ Պոկրովսկի ուղղությունը դարձել է ռազմավարական առաջնահերթություն այն պահից, երբ Ավդևկան անցավ Ռուսաստանի վերահսկողության տակ։ Ավդևկայից նախկինում շարունակաբար գնդակոծվում էր Դոնեցկը։ Միաժամանակ, Բրիտանիայի ԱԳ նախարար Դևիդ Լամին հայտարարել է, որ Ուկրաինայի պատերազմը հավանաբար չի ավարտվի առաջիկա մեկ տարվա ընթացքում, սակայն կողմերը պատրաստ են շարունակել բանակցությունները։