Իսրայելի պաշտպանության նախարարը հրապարակել է Համասի անդամների «հանձնվելու» տեսանյութ

Իսրայելի պաշտպանության նախարար Իսրայել Կացը հրապարակել է տեսանյութ, որտեղ, ըստ նրա, պատկերված է Համասի անդամների հանձնվելը Իսրայելի զինված ուժերին Բեյթ Հանունում՝ Գազայի հյուսիսում։

Օդից նկարահանված տեսանյութում երևում է, թե ինչպես երեք մարդ դուրս են գալիս ավերակներից, ծնկում և բարձրացնում ձեռքերը։ Տեսանյութին կից լուսանկարում երևում են երեք զինաթափված տղամարդ, միայն ներքնազգեստով։

«Նրանք դուրս են գալիս թունելներից՝ ավերված քաղաք… Իսրայելական բանակը ոչնչացնում է թե՛ գետնի վրա, թե՛ ստորերկրյա թիրախներ», — գրել է Կացը։

Հայտարարությունն արվել է այն պահին, երբ իսրայելական ուժերը շարունակում են հարվածներ հասցնել Գազայի ամբողջ տարածքով։