Խեցգետինը «հեծնեց» մեդուզան․ ծովային զվարճալի տեսարանը գրավեց համացանցը

Ռուսաստանի Պրիմորիե երկրամասում տեղի ձկնորսները ականատես են եղել տարօրինակ ու զվարճալի տեսարանի՝ խեցգետինն բարձրացել է մեդուզայի «մեջքին» և նրանով «ճամփորդել» ծովում։ Տեսանյութը տարածել է Amur Mash Telegram-ալիքը։

Կադրերում խեցգետինը, նստած մեդուզայի վրա, սահում է ջրով և միաժամանակ «ձեռքով»՝ իր ճանկերով, «ողջույն է» անում օբյեկտիվին մոտենալիս։ Տեսարանը մեծ արձագանք է գտել օգտատերերի մոտ, որոնք հումորով արձագանքել են․ «Հիմա արդեն կյանքում ամեն ինչ եմ տեսել», «Էվոլյուցիան՝ իր ամբողջ հմայքով, հաջորդ կանգառ՝ ձուկ»։

Հիշեցնենք, որ Պրիմորիեում վերջերս սկսվել է կամչատկյան խեցգետնի վերականգնման ծրագիր։ Գիտնականները փորձնական կարգով ծով են բաց թողել երիտասարդ խեցգետիններ՝ Պետրոս Մեծի ծոցում՝ Ռուսկի կղզու մոտակայքում։