ԱՄՆ-ում նշում են՝ ռուսական կործանիչների հիմնական առավելությունը՝ մատչելիությունն ու արդյունավետությունը

Ռուսաստանը, ԱՄՆ-ի և Ֆրանսիայի հետ միասին, աշխարհի առաջատար կործանիչների մատակարարողներից է, և նրա զինված ինքնաթիռներն ունեն մի շարք կարեւոր առավելություններ։ Այս մասին գրել է ամերիկյան The National Interest պարբերականը։

Հոդվածի հեղինակ Հարիսոն Կասը նշում է, որ ռուսական կործանիչները, որպես կանոն, ավելի մատչելի են, քան արևմտյան համարժեքները, և վաճառվում են առանց խիստ քաղաքական պայմանների։ Նրա խոսքով՝ Ռուսաստանն առաջարկում է բարձր արդյունավետությամբ ռազմական ինքնաթիռներ այն երկրների համար, որոնք չունեն մեծ պաշտպանական բյուջե և չեն ցանկանում միանալ քաղաքական բլոկների։

Պարբերականը ԱՄՆ-ին համարում է շուկայի առաջատար, Ֆրանսիան՝ երկրորդ։ Կասը նաև ընդգծել է, որ Չինաստանն ու Հարավային Կորեան նույնպես մրցակցում են կործանիչների շուկայում՝ իրենց ռազմավարությունը կառուցելով ոչ միայն վաճառքի, այլ նաև երկրների քաղաքական և տնտեսական ինտեգրման վրա։

Ավելի վաղ Military Watch Magazine-ը հայտնել էր, որ ԱՄՆ-ի ճնշման պատճառով Հնդկաստանը հրաժարվել է ամերիկյան F-35 կործանիչից՝ ընտրելով ռուսական Су-57-ը՝ որպես միակ հասանելի հինգերորդ սերնդի ինքնաթիռ։