ԱՄՆ-ում բացվել է մանկական ճամբար, որն ամբողջությամբ ղեկավարում են տատիկները

Կալիֆոռնիայում բացվել է մանկական ճամբար, որտեղ տարեց քաղաքացիները ճամբարականներին սովորեցնում են կյանքի հմտություններ, գրում է Associated Press-ը։

Գործակալությունը գրում է, որ ճամբարը բացվել է Օրինջ շրջանի Ֆուլերտոն քաղաքի համայնքային կենտրոնում, որտեղ ապրում են բազմաթիվ արաբներ, և շատ ճամբարականներ և տատիկներ սերում են այդ համայնքներից։ Նախաձեռնությունը ներկայացրել են Olive Community Services կազմակերպությունը և Golden Connections ակումբը՝ նպատակ ունենալով օգնել և աջակցել տարեցներին։

«Մեկուսացումն ու միայնությունը այն բաներն են, որոնց հետ տարեցները բախվում են, և նրանց դուր է գալիս, երբ երիտասարդներ են իրենց կողքին», - ասել է Olive Community Services ծրագրի ղեկավար Զեյնաբ Հուսեյնը։

Երեխաները նշել են, որ տարեց ուսուցիչները իրենց վերաբերվում են ինչպես իրենց թոռներին՝ փոխանցելով իրենց փորձն ու գիտելիքները։