Ուկրաինան անզոր է «Գերան-3» դրոնների դեմ. փորձագետ

Ռուսական «Գերան-3» ռեակտիվ դրոնների զանգվածային հարձակումները Ուկրաինայի ռազմական օբյեկտների վրա դարձել են իրական տեխնոլոգիական ճեղքում։ Այս մասին հայտարարել է ՀՕՊ զորքերի պատմաբան և ռազմական փորձագետ Յուրի Կնուտովը՝ «Վզգլյադ» թերթին տված հարցազրույցում։

Նրա խոսքով՝ «Գերան-3»-ը կոմպոզիտ նյութերից պատրաստված նոր սերնդի դրոն է՝ ռեակտիվ շարժիչով, որը նվազեցնում է աղմուկը և ապահովում բարձր արագություն՝ մինչև 800 կմ/ժ, ինչը բարդացնում է Ուկրաինայի ՀՕՊ միջոցների արձագանքը։ Դրոնն ունի մինչև 300 կգ կշռող մարտական մաս՝ ներառյալ տերմոբարիկ լիցքեր, որոնք մեծ ավերիչ ուժ ունեն։

«Գերան-3»-ը համալրված է ինֆրակարմիր տեսախցիկով և արհեստական բանականության տարրերով, ինչը բարձրացնում է հարվածի ճշգրտությունը։ Կնուտովի խոսքով՝ այս դրոնները կիրառվում են միաժամանակ «Իսկանդեր» և թևավոր հրթիռների հետ, իսկ նախքան հիմնական հարվածը օգտագործվում են էժանագին «Գերբերա» դրոնները՝ որպես խաբկանք։ Նա նշել է, որ միակ արդյունավետ հակազդումը Կիևի համար եվրոպական IRIS-T ՀՕՊ համակարգերն են։

Ավելի վաղ ԱՄՆ-ում նախազգուշացրել էին՝ եթե Ուկրաինան չկարողանա դիմակայել «Գերան» դրոնների զանգվածային հարձակումներին, ապագայում կդառնա անպաշտպան ռուսական ռազմական նոր գործողությունների դեմ։