Գրասենյակային աշխատողները անվանել են իրենց էներգիայով լիցքավորող մթերքները
Այլ
Գրասենյակային աշխատողների ամենօրյա սննդակարգը պետք է ներառի մրգեր, հավի միս, մակարոնեղեն և լոբազգիներ: Այս մասին Infobae-ին տված հարցազրույցում նշել է սննդաբան Քրիստեն Սմիթը։
Ինչպես նշել է մասնագետը, մտավոր աշխատանքի համար հավասարակշռված սննդակարգի կարևոր մասը բարդ ածխաջրերն են: Դրանք պարունակվում են ամբողջական հացահատիկի հացի, բրնձի և մակարոնեղենի մեջ։
Բարդ ածխաջրերը շաքարի մոլեկուլների երկար շղթաներ են, որոնք ավելի երկար ժամանակ են պահանջում քայքայվելու և օրգանիզմի կողմից ներծծվելու համար: Դրանք ապահովում են էներգիայի դանդաղ և կայուն մատակարարում: Պարզ ածխաջրերը, ընդհակառակը, բաղկացած են մեկ կամ երկու շաքարի մոլեկուլից: Դրանք արագ ներծծվում են, ինչը հանգեցնում է գլյուկոզի «ցատկերի» և քաղցի արագ վերադարձի։
«Բացի այդ, ամենօրյա սննդակարգը պետք է ներառի բանջարեղենի մի քանի բաժին, երկու միրգ և նիհար սպիտակուց», - հավելել է բժիշկը։
Մասնագետի խոսքով, սպիտակուցի լավ աղբյուրներ են հավի միսը, ձուկը և լոբազգիները: Այս սննդանյութը կարող եք ստանալ նաև կաթնամթերքից՝ ընտրելով սպիտակ մածուն՝ առանց ներկանյութերի և ցածր յուղայնությամբ պանիր:
Թարգմանությունը՝ Lurer.com-ի
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
