Բժիշկը նշել է անքնության դեմ պայքարի երեք միջոց
Այլ
Անքնությունից տառապող մարդիկ պետք է իրենց երեկոյան սննդակարգում ներառեն պիստակ, բանան և հավի կրծքամիս: Այս մասին La Razón-ին ասել է իսպանացի բժիշկ Խոսե Մանուել Ֆելիչեսը։
Մասնագետի խոսքով՝ պիստակը մելատոնինի՝ քնի և արթնացման ցիկլերը կարգավորող հորմոնի բնական աղբյուր է: Մելատոնինի այլ կարևոր գործառույթներից է դրա հակաօքսիդանտային ակտիվությունը: Պիստակը նաև պարունակում է մագնեզիում, որը նպաստում է մկանների և նյարդային համակարգի թուլացմանը։
Բժիշկ Ֆելիչեսը նաև խորհուրդ է տվել բանան ուտել երեկոյան: Մասնագետը նշել է, որ այս մրգերը հարուստ են տրիպտոֆանով՝ սերոտոնինի սինթեզի համար անհրաժեշտ ամինաթթու: Այս նեյրոհաղորդիչը, իր հերթին, կարևոր դեր է խաղում առողջ քնի և արթնացման ցիկլը պահպանելու գործում։
«Տրիպտոֆանը պարունակվում է նաև հավի կրծքամսի մեջ: Այն ցածր յուղայնությամբ է և իդեալական է թեթև ընթրիքի կամ երեկոյան նախուտեստի համար՝ առանց հետագա ծանրության զգացողության», - բացատրել է բժիշկը։
Եզրափակելով՝ բժիշկը ընդգծել է, որ սնունդը կարող է միայն լրացնել անքնության դեմ պայքարի այլ միջոցառումները: Նա հիշեցրել է քնի գրաֆիկը պահպանելու և երեկոյան ժամերին էկրանների առջև անցկացրած ժամանակը սահմանափակելու կարևորության մասին:
Թարգմանությունը՝
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
