Հնդկաստանում 2 ուսուցիչ սկսել են թմրանյութեր արտադրել «Ամբողջ ծանրությամբ» սերիալը դիտելուց հետո

Հնդկաստանում 2 ուսուցիչ սկսել են թմրանյութեր արտադրել «Ամբողջ ծանրությամբ» («Breaking Bad») սերիալը դիտելուց հետո։

25-ամյա քիմիայի և 35-ամյա ֆիզիկայի ուսուցիչները ոգեշնչվել են սերիալի սյուժեով և որոշել են այն կրկնել։

Սկզբում նրանք վարձակալել են բնակարան, այն վերածել թմրամիջոցների լաբորատորիայի և մեֆեդրոն պատրաստել։ Նրանք ի սկզբանե արտադրել են փոքր խմբաքանակներ, բայց հետո արտադրությունը մեծացրել են։ Նրանք պատրաստել են մի քանի կիլոգրամ թմրանյութ և վաճառել այն 220 հազար դոլարով։

Երբ ուսուցիչներին ձերբակալել են, նրանցից մեկն ասել է. «Մենք որոշեցինք զգույշ գործել, որպեսզի ոչ ոք չիմանա։ Մենք դիտել էինք «Ամբողջ ծանրությամբ»-ը և մտածել, որ կարող ենք ամեն ինչ շատ ավելի լավ անել, և ոչ այնքան հիմար ձևով, որքան վերջում Ուոլթեր Ուայթը»։