Հոգեբանը Թրամփի մոտ «ճանաչողական խնդիրներ» է հայտնաբերել․ Guardian

ԱՄՆ նախագահ Դոնալդ Թրամփը, հնարավոր է, վերջերս ճանաչողական կարողությունների վատթարացում ունի, ինչը, ենթադրաբար, ցույց են տալիս նրա հրապարակային ելույթները: Այս մասին հաղորդում է բրիտանական The Guardian թերթը։

«Թրամփը շեղվում է խոսակցությունից, նա պարզապես փոխում է թեմաները՝ առանց ինքնավերահսկման, առանց հետևողական պատմություն ունենալու», - մեջբերում է հրատարակությունը Քորնելի համալսարանի հոգեբանության ամբիոնի ավագ դասախոս Հարրի Սեգալին։

Ինչպես գրում է The Guardian-ը, Թրամփը, պատասխանելով Գազայում սովի մասին հարցին, չի կարողացել հիշել այն օգնությունը, որը Միացյալ Նահանգները տրամադրել է տարածաշրջանին: Նախագահը մոռացել է, որ «ուրիշներն էլ են նպաստել», - նշվում է հոդվածում։