ԱՄՆ-ն կարող է ի պատասխան Ռուսաստանի և Չինաստանի ծրագրերի՝ արագացնել Լուսնի վրա ատոմակայանի կառուցումը

ԱՄՆ տրանսպորտի նախարար և Ազգային օդագնացության և տիեզերական տարածության վարչության (NASA) պաշտոնակատար Շոն Դաֆին այս շաբաթ նախատեսում է հայտարարել Լուսնի վրա միջուկային ռեակտորի կառուցման ծրագիրն արագացնելու մասին, հաղորդում է Politico-ն։

NASA-ի հրահանգում ընդգծվում է, որ Երկրի արբանյակի վրա ատոմակայան կառուցող առաջին երկիրը կկարողանա հայտարարել «արգելված գոտի», ինչը զգալիորեն կսահմանափակի ԱՄՆ-ի հնարավորությունները։ Այս հնարավորության հետ կապված՝ NASA-ն սկսում է կապալառու փնտրել 100 կիլովատտ հզորությամբ միջուկային ռեակտոր կառուցելու համար, որը նախատեսվում է տիեզերք ուղարկել մինչև 2030 թվականը։

NASA-ի բարձրաստիճան պաշտոնյայի խոսքով՝ այս իրավիճակում «մենք խոսում ենք երկրորդ տիեզերական մրցավազքում հաղթելու մասին»։