ԱՄՆ-ում հետաքննում են Ռուսաստանի «միջամտությունը» 2016 թվականի ընտրություններին

ԱՄՆ Արդարադատության նախարարությունը փորձագետների խմբի հետաքննություն է սկսել Ռուսաստանի ընտրություններին ենթադրյալ միջամտության գործով ներկայացված մեղադրանքները քննելու համար, որը հայտնի է՝ որպես Russiagate, հաղորդում է Fox News-ը՝ հղում անելով իր աղբյուրներին։

Ըստ լրատվամիջոցների՝ հետաքննությունը սկսվել է Ազգային հետախուզության տնօրեն Թալսի Գաբարդի քրեական բողոքի հիման վրա։ Այն պարունակում է տեղեկություններ 2016 թվականի ընտրարշավի ընթացքում Դոնալդ Թրամփին Ռուսաստանի հետ կապելու ենթադրյալ դավադրության մասին։

Fox News-ը հաղորդում է, որ գլխավոր դատախազ Փեմ Բոնդին իր աշխատակիցներին հանձնարարել է գործել բողոքի հիման վրա, ինչը հանգեցրել է փորձագետների խմբի ստեղծմանը։