ԱՄՆ այցելելու համար կարող է պահանջվել լրացուցիչ 15 000 դոլար

Միացյալ Նահանգներ մուտքի վիզաներ ստանալու համար որոշ կատեգորիայի օտարերկրացիներին անհրաժեշտ կլինի լրացուցիչ 15 000 դոլար։ Այս մասին նշված է Պետդեպարտամենտի կողմից Միացյալ Նահանգների Դաշնային գրանցամատյանում տեղադրված ծանուցման մեջ։

Ամերիկյան իշխանությունները մեկնարկում են փորձնական ծրագիր՝ օտարերկրացիներին մինչև 15 000 դոլար կանխիկ կանխավճարով ամերիկյան մուտքի վիզաներ տրամադրելու համար։ Այս ծրագիրը վերաբերում է միայն գործարար և տուրիստական վիզաների (B-1 և B-2 կատեգորիաներ) տրամադրմանը և այն երկրների քաղաքացիներին, որոնք զանգվածաբար խախտում են Միացյալ Նահանգներում գտնվելու թույլատրելի ժամկետները։ Բացի այդ, կանխիկ կանխավճար կկիրառվի, երբ երկիր գործարար կամ տուրիստական վիզաներով մուտք գործել ցանկացողները ամերիկյան հյուպատոսարաններին իրենց մասին անբավարար տեղեկություններ տրամադրեն։

Կանխավճարն ամբողջությամբ կվերադարձվի, երբ օտարերկրացին ժամանակին լքի Միացյալ Նահանգները։ Կախված կոնկրետ հանգամանքներից՝ կանխավճարի չափը կկազմի 5000, 10 000 և 15 000 դոլար։

Ծրագիրը կիրականացվի պաշտոնական հրապարակումից հետո մեկ տարվա ընթացքում, ինչը տեղի կունենա առաջիկա օրերին։