Ռուս ռազմական փորձագետը կասկածի տակ է դրել «Ցիրկոն»-ի տեղադրումը Սու-57-ի վրա

Ռուս ռազմական փորձագետ Վլադ Շլեպչենկոն կասկածելի է համարել արևմտյան մամուլում տարածված լուրերը, թե ռուսական Սու-57 կործանիչը կարող է զինվել «Ցիրկոն» հիպերձայնային հրթիռով։ Նրա խոսքով՝ «Ցիրկոն»-ը ստեղծված է նավերի համար, ունի 8-9 մետրանոց երկարություն, և նման հրթիռի տեղադրումը խախտում է Սու-57-ի «անհայտության» (stealth) տեխնոլոգիան։

Ավելի վաղ Military Watch Magazine-ը հայտնել էր, որ Ռուսաստանը պատրաստվում է իր ինքնաթիռները զինել հիպերձայնային զինատեսակներով՝ հղում անելով գեներալ-լեյտենանտ Ալեքսանդր Մաքսիմցևին։ Սակայն Շլեպչենկոն կոչ է արել չվստահել նման աղբյուրներին և նման լուրերը որակել է «լրագրողական ֆանտազիա»։

Միաժամանակ նշվում է, որ Ռուսաստանը դեռ 2023-ին սկսել էր փոքր չափսի «օդ-մակերևույթ» հիպերձայնային հրթիռի փորձարկումներ Սու-57-ի համար, որը կարող է ունենալ «Ցիրկոն»-ի որոշ տեխնիկական հատկություններ։