ԵՄ և ԱՄՆ դեսպանները Հայաստանի քաղբանտարկյալների բանտապահներն են․ Աշոտյան

Եվրամիության և Միացյալ Նահանգների դեսպանները ձերբակալված գործարար Սամվել Կարապետյանի և հոգևորականության բանտարկյալներն են, քանի որ նրանք աչք են փակում հակաժողովրդավարական երևույթների վրա, որոնք տասնյակ անգամ առավել ցայտուն են, քան Հայաստանի հանրապետական կուսակցության իշխանության օրոք։ Այս մասին օգոստոսի 5-ին լրագրողների հետ հանդիպման ժամանակ հայտարարել է Հայաստանի հանրապետական կուսակցության փոխնախագահ Արմեն Աշոտյանը։

Նրա խոսքով՝ Հայաստանի այսօրվա քաղբանտարկյալները ոչ միայն Նիկոլ Փաշինյանի քաղբանտարկյալներն են (ՀՀ վարչապետ - խմբ.), այլև այն միջազգային կազմակերպությունների և ուժերի, որոնք տարիներ շարունակ հեքիաթներ են պատմում Հայաստանում ժողովրդավարության մասին, բայց իրականում անկարող են պաշտպանել իրենց սեփական արժեքները այն երկրում, որի վրա լիակատար ազդեցություն ունեն։ «Եթե ԵՄ որևէ երկրի առաջնորդ կոչ աներ ազատ արձակել քաղբանտարկյալներին՝ Նիկոլը դա կաներ», - վստահեցրել է նա։