Արցախը հանձնեց հայ ժողովուրդը` չպայքարելով այն իշխանության դեմ, որին բերել էր. Աշոտյան

Ես համաձայն չեմ, որ Ռուսաստանը հանձնեց Արցախը, որքան է դաժան հնչի, Արցախը հանձնեց հայ ժողովուրդը` չպայքարելով այն իշխանության դեմ, որին բերել էր, որի ձեռքերով հանձնվեց Արցախը։ Այս մասին այսօր հրավիրված ասուլիսում ասաց ՀՀԿ փոխնախագահ Արմեն Աշոտյանը։ 

«Արցախը դարձավ Նիկոլի անձնական ամբիցիաների, քաղաքական տերերի, խարդավանքների, տարաբնույթ գեոպոլիտիկ կոմբինացիաների զոհ, կարո՞ղ է այն նորից դառնալ հայկական, այո, որևէ մեկը դա հիմա ձեզ դուրս գա, խոստանա՝ չհավատաք։ Ձեր հավատը պետք է ձեր սրտում լինի։ 

Շատ ուրախ եմ, որ 44 -օրյաից հետո առաջարկածս բանաձևը որոշ շրջանակներ հավանել են, դա Աստվածաշնչյան բանաձև է՝ «Հաջորդ տարի Շուշիում»։ Սա կենսակերպ պետք է լինի, ոչ թե խոստում, այլ կենսակերպ, որովհետև եթե դու ուզում ես վերադառնալ հայրենիք, դու վերադառնում ես, եթե դու համակերպվել ես, որ դու այլևս չես կարող վերադառնալ՝ դու այնտեղ երբեք չես վերադառնալու»։