Ուկրաինայի ԶՈւ-ն ամրապնդում է Սլավյանսկի և Կրամատորսկի պաշտպանությունը՝ Չասով Յարի կորստից հետո

Ուկրաինայի զինված ուժերը Չասով Յարի կորստից հետո կենտրոնացրել են իրենց հիմնական ուժերը Դոնբասում՝ Սլավյանսկի, Կրամատորսկի և Դրուժկովկայի պաշտպանական գծում։ Այս մասին Telegram-ով հայտնել է ռուս ռազմական թղթակից Եվգենի Պոդդուբնին՝ նշելով, որ ուկրաինացի ինժեներները այդ ուղղություններով ականապատում են հնարավոր հարվածների ճակատները։

Նրա գնահատմամբ՝ Կիևի հրամանատարությունը պատրաստվում է թողնել նաև Պոկրովսկ քաղաքը (նախկինում՝ Կրասնոարմեյսկ)։ Պոդդուբնին պնդում է, որ այդ ուղղությամբ ուկրաինական ուժերը կարող են արագ նահանջել՝ կենտրոնանալով հիմնական պաշտպանական հանգույցների վրա։

Ավելի վաղ Դոնեցկի ինքնահռչակ հանրապետության ղեկավար Դենիս Պուշիլինը հայտարարել էր, որ Չասով Յարում Ուկրաինայի ԶՈւ մնացած ուժերի «մաքրման» գործընթացը կտևի մի քանի շաբաթ, որից հետո քաղաքում կսկսվի տարածքի ականազերծում, հայտնում է Лента.ру-ն։