Ռուս զբոսաշրջիկները հայտնվել են «կլոպանոցում» Եգիպտոսում՝ չեղարկված չվերթի պատճառով

Ռուսաստանի մի խումբ զբոսաշրջիկներ 15 ժամով մնացել են Եգիպտոսում՝ Red Sea Airlines ավիաընկերության չեղարկված թռիչքի պատճառով։ Հուրգադայից Մոսկվա մեկնող չվերթը նախատեսված էր օգոստոսի 4-ի լույս 5-ի գիշերը, ուղևորների ճամպրուկները բեռնաթափվել էին ինքնաթիռ, սակայն թռիչքը չկայացավ։ Օդանավը հեռացվեց ելքի թևակից, և ցուցատախտակին նշվեց՝ չվերթը չեղարկվել է։ Ընկերությունը հրաժարվել է բացատրել պատճառը։

Ուղևորները շուրջ մեկուկես ժամ մնացել են օդանավակայանում՝ առանց որևէ տեղեկության, մինչև որ գտել են մեկ աշխատակցի, ով հայտնել է, որ օդանավը տեխնիկապես անսարք է։ Մի քանի ժամ անց զբոսաշրջիկներին տեղափոխել են հյուրանոց, որը, ըստ նրանց, նման էր «կլոպանոց» հյուրանոցի։

Հաջորդ օրը՝ օգոստոսի 5-ին ժամը 13:00-ին, ուղևորներին վերադարձրել են օդանավակայան, սակայն նրանք իմացել են, որ թռիչքը կրկին հետաձգվել է մինչև ժամը 15:00, և այդ անգամ էլ չի իրականացվել։ Նման իրավիճակներ հաճախակի են դարձել ռուս զբոսաշրջիկների համար՝ կապված չվերթների անսպասելի չեղարկումների հետ։