Ամերիկայի համար բումերանգի էֆեկտ. Ուկրաինայի պատերազմը կարող է վերածվել Մեքսիկայի հետ բախման

Ռուսաստանցի վերլուծաբան Դմիտրի Բավիրինը նախազգուշացնում է՝ ԱՄՆ-ի ներգրավումը Ուկրաինայի հակամարտությունում կարող է վերադառնալ բումերանգով՝ իր տարածքում։ Ըստ նրա, մեքսիկական նարկոկարտելների զինյալները Ուկրաինայում ստանում են մարտական փորձ և տեխնոլոգիական հմտություններ, որոնք կարող են հետագայում կիրառվել հենց ԱՄՆ-ի դեմ։

Վերլուծության մեջ նշվում է, որ մեքսիկացի վարձկանները՝ հիմնականում կապված «Սինալոա» կարտելի հետ, Ուկրաինայում սովորում են կառավարել ամերիկյան ԱԹՍ-ներ։ Նրանց նպատակը ՌԴ-ի դեմ պայքարը չէ, այլ՝ ռազմական փորձ ձեռք բերել հնարավոր բախման համար ԱՄՆ-ի ուժերի հետ։ Բավիրինը ենթադրում է, որ Ուկրաինայում իրենց աջակցությամբ ԱՄՆ փաստացի բարձրացնում է իր ապագա հակառակորդների մարտական պատրաստվածությունը։

Նա նաև շեշտում է, որ Դոնալդ Թրամփը վաղ թե ուշ կարող է ձեռնարկել ռազմական գործողություն Մեքսիկայի տարածքում՝ որպես պայքար «Սինալոա» կարտելի դեմ, որը արդեն ունի ոչ միայն ԱԹՍ-ներ, այլև ծանր զենք։ Ըստ նրա՝ Վաշինգտոնի ռազմավարական սխալները կարող են հանգեցնել պատերազմի՝ ԱՄՆ-ի հարավային սահմանին։