ESPN-ը կգնի NFL-ի մեդիա ակտիվները՝ խոշոր գործարքով

Disney-ին պատկանող ESPN սպորտային ցանցը համաձայնություն է ձեռք բերել գնելու NFL Network և NFL-ի այլ մեդիա ակտիվներ՝ դիմացը Ազգային ֆուտբոլային լիգան կստանա ESPN-ի 10% բաժնեմաս։ Reuters-ի տվյալներով՝ գործարքը դեռ ենթակա է կարգավորող հաստատման։

Վերլուծաբանները ESPN-ի 10% բաժնեմասի արժեքը գնահատում են $2-3 միլիարդ։ ESPN-ն այս քայլով կուժեղացնի իր նոր հոսքային ծառայությունը, որի գործարկումը սպասվում է արդեն այս ամսվա ընթացքում՝ ամսական $29.99 վճարով։

Գործարքի շրջանակում ESPN-ը կստանա NFL Fantasy թվային հարթակը և NFL RedZone ալիքի հեռուստաբաշխման իրավունքները։ NFL-ը կպահպանի իր որոշ մեդիա հարթակներ, ինչպես NFL Films, NFL+ և NFL Podcast Network։ ESPN-ն այժմ կսպասարկի NFL Network-ը, որը տարեկան հեռարձակում է 7 խաղ։ Disney-ի ղեկավար Ռոբերտ Այգերը գործարքն անվանել է «աննախադեպ հնարավորություն՝ երկրպագուների համար նոր մակարդակի փորձ ապահովելու»։