Մի հեղուկ գազ լցնող էլ ես եմ, թանկացումը շատ վատ եմ գնահատում․ նախարար

Վրացական կողմի հետ գազի հետ կապված ոչ մի բան չեմ բանակցել, կոնյակի հետ կապված հարցեր ենք բանակցել։ Այս մասին լրագրողների հետ զրույցում ասել է Էկոնոմիկայի նախարար Գևորգ Պապոյանը։

«Հեղուկ գազի շուկայում գնային փոփոխությունները շատ վատ եմ գնահատում։ Մի հեղուկ գազ լցնող էլ ես եմ։ Ինձ հաճելի՞ է գնել մի բան 30–40 դրամ ավելի թանկ»,– ասաց նա՝ նշելով, որ հեղուկ գազի գինը 120–130 դրամից հասել է 170 դրամի։

Պապոյանը նշեց, որ հեղուկ գազի հետ կապված գրություններ և հաղորդագրություններ է տվել իրավապահներին, ՄՊՀ–ին։