Արևմուտքում բացահայտել են Պուտինի և Թրամփի հանդիպման նպատակը

Նիդեռլանդական փորձագետ, Սասեքսի համալսարանի նախկին պրոֆեսոր Կեյս վան դեր Պեյլի խոսքով՝ Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի՝ Ալյասկայում նախատեսվող հանդիպումը կարող է օգնել նրանց անձնական փոխհասկացողությունը բարելավելու մեջ: Այս մասին հաղորդում է РИА Новости-ն։

Վան դեր Պեյլը շեշտել է, որ կողմերի նպատակները տարբեր են, սակայն երկխոսությունը կարևոր է՝ հնարավոր է պատահաբար սխալ մեկնաբանվեն գործողությունները, և անձնական փոխհասկացողությունը կրճատում է ռիսկերը։

Փորձագետի խոսքով՝ Պուտինի նպատակը բանակցությունների ժամանակ կլինի լավ հարաբերություններ կառուցել Թրամփի հետ և ժամանակ շահել՝ ավարտելու հակամարտությունը Ռուսաստանի պայմաններով։ Միաժամանակ՝ Թրամփը կփորձի տպավորություն թողնել իր կողմնակիցների վրա, քանի որ չէր կարողացել 24 ժամում կանգնեցնել մարտական գործողությունները Ուկրաինայում։

Նախօրեին Թրամփը հայտնել էր, որ հանդիպումը կկայանա օգոստոսի 15-ին Ալյասկայում, ինչը հաստատել է նաև Ռուսաստանի նախագահի օգնական Յուրի Ուշակովը։