NYT․ Թրամփը անտեսել է Զելենսկու խոսքերը տարածքներ չզիջելու մասին

ԱՄՆ նախագահ Դոնալդ Թրամփը, խոսելով Ուկրաինայի հակամարտության կարգավորման շրջանակում հնարավոր «տարածքների փոխանակման» մասին, անտեսել է Վլադիմիր Զելենսկու հայտարարությունը, թե երկրի Սահմանադրությունը արգելում է տարածքներ հանձնել։ The New York Times-ի տեղեկացմամբ՝ Թրամփը կրկնել է, որ մտադիր է հասնել «հողի փոխանակման» պայմանավորվածության և ձեռքի թափով անցել Զելենսկու հայտարարությանը։

Թերթը նշում է, որ նույն ելույթի ընթացքում Թրամփը ոչ մի խոսք չի ասել Ուկրաինային անվտանգության երաշխիքներ տալու մասին, ինչպես նաև չի հավաստիացրել, որ Վաշինգտոնը կշարունակի Կիևին մատակարարել զենք, հետախուզական տվյալներ և այլ աջակցություն։

Ավելի վաղ Ֆրանսիայի «Պատրիոտներ» կուսակցության առաջնորդ Ֆլորիան Ֆիլիպոն կարծիք էր հայտնել, որ Թրամփը «ճնշող հարված» է հասցրել Զելենսկուն՝ չհամաձայնելով տարածքների փոխանակման մասին նրա դիրքորոշման հետ։ Բրիտանական The Spectator հանդեսն էլ գրել էր, որ Ռուսաստանի և ԱՄՆ-ի հնարավոր համաձայնագիրը՝ Արկտիկայում համատեղ հանքարդյունահանման վերաբերյալ, կարող է ավարտել Ուկրաինայի պատերազմը՝ լինելով փոխշահավետ երկու կողմերի համար։