Պե՞տք է մաքրել վարունգը։ Գիտնականները բացահայտում են, թե ինչ վտանգ է թաքնված դրանց կեղևներում

Շատերը վաղուց մտահոգված են հարցով. արդյո՞ք վարունգի կեղևը վտանգավոր է։ Մենք մաքրում ենք այլ բանջարեղեններ և մրգեր, բայց այստեղ կարծիքները տարբերվում են։

Այս հարցը խիստ մտահոգեց խոհարարներին, երբ Չինաստանի Անհոյի Գյուղատնտեսական համալսարանի գիտնականները ներկայացրին իրենց նոր հետազոտության արդյունքները։ Մասնագետները կիրառել են բարձրազգայուն թաղանթ՝ վարունգների և խնձորների մակերեսին պեստիցիդների հետքերը հայտնաբերելու համար։

Պարզվել է, որ նույնիսկ մանրակրկիտ լվանալուց հետո կեղևի վրա պահպանվում են երկու քիմիական միացությունների՝ թիրամի և կարբենդազիմի հետքեր։ Երկու նյութերն էլ կապվում են լյարդի հնարավոր խնդիրների՝ այդ թվում՝ քաղցկեղածին ազդեցությունների հետ։

Ի՞նչ ցույց տվեց փորձարկումը։

Գիտնականները նմանակել են գյուղատնտեսական ստանդարտ մշակումը՝ պտուղները փրփրել են պեստիցիդներով, այնուհետև լվացել՝ ինչպես սովորաբար անում են տանը։ Դրանից հետո նրանք թեստավորել են կեղևը՝ զգայուն թաղանթով։ Պարզվել է՝ քիմիական միացությունների հետքերը մնում են, թեև շատ փոքր քանակությամբ։

Հետազոտողները եզրակացրել են, որ պեստիցիդների հետ շփումը նվազեցնելու ամենահուսալի միջոցը ոչ միայն բանջարեղենը լվանալն է, այլև դրանց կեղևը մաքրելը։

Արժե՞ արդյոք անհանգստանալ։

Չնայած աղմկահարույց վերնագրերին, խուճապի պատճառ չկա, գրում է Daily Mail-ը։ Վարունգների և խնձորների վրա հայտնաբերված պեստիցիդների քանակը չափազանց փոքր է՝ իրական վնաս պատճառելու համար։

Ահա թե ինչու դիետոլոգներն ու գաստրոէնտերոլոգները խորհուրդ չեն տալիս ամբողջությամբ հրաժարվել կեղևից։ Վերջիվերջո, հենց կեղևում են պարունակվում մեծ քանակությամբ սննդային թելեր, Կ վիտամին և հակաօքսիդանտներ։

Եթե ցանկանում եք լրացուցիչ ապահովագրվել՝

• Գնեք սեզոնային վարունգներ վստահելի ֆերմերներից կամ «առանց պեստիցիդների» պիտակով։
• Մանրակրկիտ լվացեք բանջարեղենը հոսող ջրի տակ, ցանկալի է՝ փափուկ խոզանակով։
• Կարող եք բանջարեղենը թրջել սոդայի կամ քացախի լուծույթի մեջ — սա կօգնի հեռացնել որոշ աղտոտիչներ։
• Եթե դեռ կասկածում եք՝ հանեք կեղևը, հատկապես եթե ուտեստ եք պատրաստում երեխաների կամ քրոնիկ լյարդային հիվանդություններով, թուլացած իմունային համակարգով մարդկանց համար։

Թարգմանությունը՝ Lurer.com-ի