Starlink-ը ԱՄՆ-ում կիսով չափ էժանացել է նոր օգտատերերի համար

SpaceX-ը ԱՄՆ-ում կիսով չափ նվազեցրել է Starlink արբանյակային ինտերնետի միացման սկզբնական փաթեթի գինը։ Այժմ տերմինալը և անհրաժեշտ սարքավորումները հնարավոր է ձեռք բերել 175 դոլարով նախկին 350-ի փոխարեն։ Առաջարկը գործում է ամբողջ երկրի տարածքում և նախատեսված է միայն նոր օգտատերերի համար։

Ընկերությունը նաև որոշ նահանգներում՝ հիմնականում կենտրոնական և արևմտյան շրջաններում, նվազեցրել է Residential հիմնական սակագինը՝ 120 դոլարից մինչև 99 դոլար։ Residential Lite սակագինը էժանացել է 80-ից մինչև 65 դոլար, սակայն երկու դեպքում էլ զեղչը կգործի միայն առաջին տարվա ընթացքում։

Օգոստոսի սկզբին Starlink-ը ներկայացրել էր նաև նոր՝ Community սակագնային պլանը, որը արժե 60 դոլար և թույլ է տալիս մեկ տերմինալով ինտերնետը կիսել մի քանի օգտատերերի միջև։ Ընկերության տվյալներով՝ ԱՄՆ-ում Starlink-ի օգտատերերի թիվը մեկ տարում աճել է 1,4 միլիոնից մինչև մոտ 2 միլիոն։