Լեհաստանի վարչապետը պահանջել է, որ Ուկրաինան կանխի հակալեհական դրսևորումները

Լեհաստանի վարչապետ Դոնալդ Տուսկը հայտարարել է, որ Ուկրաինայի իշխանությունները պարտավոր են կանխել ցանկացած հակալեհական ժեստ ինչպես Կիևում, այնպես էլ Ուկրաինայի և Լեհաստանի տարածքում։ Նա ընդգծել է, որ անթույլատրելի է նաև հակաուկրաինական տրամադրությունների տարածումը։

Վարչապետի խոսքերով՝ չի կարելի թույլ տալ, որ որևէ մեկի մտքում առաջանա գաղափար դրսևորել հակալեհական քայլեր։

Ավելի վաղ Տուսկը հայտնել էր, որ Լեհաստանից արտաքսվելու են ավելի քան 60 մարդ՝ Բելառուսի ռեփեր Մաքս Կորժի համերգին Ուկրաինական ապստամբական բանակի (ՌԴ-ում արգելված կազմակերպություն) դրոշի ցուցադրման համար։ Նրանց թվում են 57 ուկրաինացի և 6 բելառուս։