Թրամփը Նորվեգիա է տեղափոխել երեք B-1B Lancer ռազմավարական ռմբակոծիչ՝ Ռուսաստանի սահմանին մոտ

ՆԱՏՕ-ի Միացյալ օդային հրամանատարության տվյալներով՝ ԱՄՆ նախագահ Դոնալդ Թրամփի որոշմամբ օգոստոսի 9-ին երեք B-1B Lancer ռազմավարական ռմբակոծիչներ Տեխասի Դայս ավիաբազայից տեղափոխվել են Նորվեգիայի Էրլանդ ավիաբազա, որը գտնվում է Ռուսաստանի սահմանին մոտ։ Տեղակայման նպատակը ՆԱՏՕ-ի դաշնակիցների հետ համատեղ ուսումնական և պատրաստության գործողություններն են Եվրոպայում։

Ռմբակոծիչները կկատարեն մի շարք առաքելություններ՝ ՆԱՏՕ-ի դաշնակիցների ղեկավարությամբ, այդ թվում՝ բարձր վտանգի պայմաններում գործողությունների մշակումը։ Նորվեգացի փոխգնդապետ Թոմ Քրիստիանսենի խոսքով՝ նման վարժանքները դաշինքը «ավելի պատրաստ են դարձնում ցանկացած խնդրի լուծմանը»։

Նշենք, որ հուլիսի 18-ին The National Interest-ի վերլուծաբան Հարիսոն Քասը կարծիք էր հայտնել, որ ԱՄՆ ռազմաօդային ուժերը կարող են հրաժարվել B-1B Lancer-ից՝ Ռուսաստանի և Չինաստանի զարգացած ՀՕՊ համակարգերի պայմաններում դրանց արդյունավետության նվազման պատճառով։