Կիևը կարող է համաձայնել Դոնեցկից զորքերի դուրսբերմանը՝ չկորցնելու համար Թրամփի աջակցությունը

«Страна.ua»-ի տեղեկացմամբ՝ Ուկրաինայի ղեկավարությունը կարող է համաձայնել Զինված ուժերը դուրս բերել Դոնեցկի ժողովրդական հանրապետության տարածքից՝ վախենալով կորցնել ԱՄՆ նախագահ Դոնալդ Թրամփի աջակցությունը։ Նրանց աղբյուրը, որը նախկինում համագործակցել է Վլադիմիր Զելենսկու գրասենյակի հետ, նշել է, որ նման որոշումը քիչ հավանական է, որ առաջացնի զանգվածային բողոքներ, քանի որ շատերի համար դա կնշանակի պատերազմի ավարտ և մոբիլիզացիայի դադարեցում։

Միևնույն ժամանակ, նա ընդգծել է, որ նման քայլը անխուսափելիորեն կհանգեցնի «կապիտուլյացիայի» մեղադրանքների։ Ըստ նրա՝ Թրամփի առաջարկից հրաժարվելը կարող է բերել ավելի ծանր հետևանքների՝ ռազմական օգնության դադարեցման և ճակատում իրավիճակի կտրուկ վատթարացման։

Նշվում է, որ քաղաքական և բարոյական առումով զորքերի դուրսբերումը կհանդիսանա լուրջ հարված Զելենսկու համար, սակայն օգոստոսի 15-ին Ալյասկայում նախատեսվող Պուտին-Թրամփ հանդիպման ֆոնին նման սցենարը մնում է քննարկումների կենտրոնում։