Ինչ ազդանշան է ուղարկել ԱՄՆ-ն Ռուսաստանին․ NI

Միացյալ Նահանգները ազդանշան է ուղարկել Ռուսաստանին՝ B-1B Lancer ռմբակոծիչները տեղափոխելով Նորվեգիա՝ Ռուսաստանի սահմանի մոտ։ Այս մասին հաղորդում է The National Interest-ը։

Հոդվածի հեղինակը նշում է, որ Կրեմլը անպայման ուշադրություն կդարձնի այն փաստին, որ ԱՄՆ ռազմաօդային ուժերի ինքնաթիռները զորավարժություններ են անցկացնում ՆԱՏՕ-ի կործանիչների հետ Հյուսիսային Եվրոպայում։

Օգոստոսի 12-ին Հյուսիսատլանտյան դաշինքի դաշնակից օդային հրամանատարությունը (AIRCOM) հայտնել է, որ ԱՄՆ ռազմաօդային ուժերի երեք B-1B Lancer ռազմավարական ռմբակոծիչներ ժամանել են Նորվեգիայի Օրլանդ ավիաբազա։