Վաշինգտոնը և Մոսկվան քննարկում են Ուկրաինայի պատերազմի դադարեցումը գործող ճակատների երկայնքով

Bloomberg-ի աղբյուրների տեղեկացմամբ՝ ԱՄՆ և Ռուսաստանի պաշտոնյաները, Դոնալդ Թրամփի և Վլադիմիր Պուտինի Ալյասկայում նախատեսված հանդիպման նախօրեին, քննարկում են գործարք, որը կդադարեցնի Ուկրաինայի պատերազմը ներկայիս ճակատային գծերի երկայնքով։ Ըստ բանակցությունների մանրամասների, Ռուսաստանը կպահպանի վերահսկողությունը Խերսոնի և Զապորոժիեի որոշ տարածքների նկատմամբ։

Bloomberg Geoeconomics-ի վերլուծաբան Ալեքս Կոչկարովը նշում է, որ ռուս-ուկրաինական պատերազմի ելքը որոշող հինգ հիմնական գործոնները՝ ֆինանսական ներուժը, մարդկային ռեսուրսները, հրետանային հզորությունը, մարտական ոգին և տարածքային վերահսկողությունը, վկայում են Ռուսաստանի շարունակաբար աճող առավելության մասին։

Ավելի վաղ Վաշինգտոնը հորդորել էր Կիևին իրատեսորեն գնահատել ուկրաինական բանակի հնարավորությունները՝ Պուտին-Թրամփ հանդիպումից առաջ։ Սպիտակ տունը Կիևին փոխանցել է, որ անհրաժեշտ է հստակ հասկանալ, թե առկա ռեսուրսներով ինչ կարելի է իրականացնել։