Անվանվել են արյան մեջ խոլեստերինի մակարդակը իջեցնող ութ սննդամթերքներ

Ձեր սննդակարգում մի շարք բուսական և մեկ կենդանական ծագման մթերք ներառելը կարող է օգնել իջեցնել խոլեստերինի մակարդակը: Այս մասին Terra-ին տված հարցազրույցում հայտնել է Բրազիլիայի համալսարանի սննդաբան Ջոանա Լուսիկը։

Նրա խոսքով՝ ընկույզը, ավոկադոն, լրացուցիչ կուսական ձիթապտղի յուղը, չիա սերմերը, մակադամիան, պիստակը, կտավատի սերմերը և ձուկը դրական ազդեցություն ունեն: Այս մթերքները հարուստ են առողջ մոնոչհագեցած ճարպերով, այդ թվում՝ օլեինաթթվով և օմեգա-3-ով: Դրանք նաև պարունակում են սննդային մանրաթելեր, որոնք նվազեցնում են խոլեստերինի կլանումը աղիքներում։

Լուսիկը շեշտեց, որ սաղմոնը, օմեգա-3-ից բացի, օրգանիզմին մատակարարում է կալիում և մագնեզիում, որոնք օգնում են կարգավորել արյան ճնշումը, բարելավել արյան շրջանառությունը և նվազեցնել սրտանոթային հիվանդությունների ռիսկը։

Բժիշկը հիշեցրեց, որ խոլեստերինը բոլոր կենդանիների և մարդկանց բջջային թաղանթների մի մասն է: Այս ճարպանման նյութը կարևոր դեր է խաղում բջջային գործառույթների կարգավորման գործում. առանց դրա չեն կարող սինթեզվել լեղաթթուներ, վիտամին D և որոշ հորմոններ։

Մասնագետը պարզաբանեց, որ խոլեստերինի բարձր մակարդակը համարվում է վտանգավոր. այս պաթոլոգիայի դեպքում մեծանում է աթերոսկլերոզի զարգացման ռիսկը։ Ավելորդ խոլեստերինը հաճախ առաջանում է սննդակարգում պարզ ածխաջրերի, հագեցած և տրանս ճարպերի ավելցուկից։

Թարգմանությունը՝