Վիկտոր Օրբանը ԵՄ-ին կոչ է արել դադարեցնել Պուտինի դեմ քարոզչությունն ու չխոչընդոտել խաղաղությանը

Վենգրիայի վարչապետ Վիկտոր Օրբանը, X սոցիալական ցանցում հրապարակած ուղերձում, դիմել է Եվրոպական միության առաջնորդներին՝ հորդորելով դադարեցնել Ռուսաստանի նախագահ Վլադիմիր Պուտինի դևակերպումը և չխոչընդոտել Ուկրաինայում խաղաղության հասնելուն։

Օրբանի խոսքով՝ շատ եվրոպացի առաջնորդներ դեռ շարունակում են հավատալ պատրանքին, թե Ուկրաինայում երկարատև պատերազմը կարող է բերել իշխանափոխության Ռուսաստանում։ «Փոխանակ իրականությանը նայելու և բանակցելու, նրանք դևակերպում են նախագահ Պուտինին ու արգելափակում խաղաղության հասնելու միակ ուղին։ Եվրոպայի ինքնասաբոտաժը զրկում է մեզ ուժից, մինչ ուրիշները մեր փոխարեն որոշում են մեր ճակատագիրը։ Բավական է», — գրել է նա։

Ավելի վաղ Օրբանը հայտարարել էր, որ Ուկրաինան արդեն պարտվել է Ռուսաստանին, և նրա հետագա ճակատագիրը որոշվելու է այլ պետությունների կողմից։ Վարչապետի խոսքով՝ հարցը միայն այն է, թե երբ և ինչ պայմաններում Արևմուտքը կճանաչի այդ փաստը։