«Կրասնոդարը» ջախջախեց «Դինամոյին»․ Սպերցյանը դարձավ գոլի հեղինակ

Ռուսաստանի գավաթի խաղարկության խմբային փուլի երկրորդ խաղում գործող չեմպիոն «Կրասնոդարը» հյուրընկալվելիս վստահ հաղթանակ տարավ Մոսկվայի «Դինամոյի» նկատմամբ (4:0)։ Այս մասին հայտնում է ArmSport.am-ը։

Հայաստանի ազգային հավաքականի կիսապաշտպան Էդուարդ Սպերցյանը փոխարինման մտավ 67-րդ րոպեին և րոպեներ անց հաշիվը դարձրեց խոշոր՝ խփելով հյուրերի չորրորդ գոլը։

Ռուսաստանի գավաթի խաղարկությունում «Կրասնոդարի» հաջորդ հանդիպումը կկայանա օգոստոսի 27-ին՝ «Սոչիի» դեմ։