ՀՀ–ի համար բացվում են այն ճանապարհները, որոնք անցնելու են Ադրբեջանով․ ՏԿԵ նախարար
Քաղաքական
Խաղաղության պայմանագրի նախաստորագրումը մեզ մի շատ մեծ քայլ մոտեցնում է խաղաղությանը, ինչը, կարծում եմ, ՀՀ յուրաքանչյուր քաղաքացու համար սպասված, կարևոր և ուրախալի իրադարձություն է։ Այս մասին լրագրողների հետ զրույցում ասել է ՀՀ ՏԿԵ նախարար Դավիթ Խուդաթյանը։
Նրա խոսքով՝ նախաստորագրված պայմանագրի տեքստում Հայաստանի համար որևէ ողբերգական կամ չարագուշակ բան չկա։
«ՀՀ–ի համար բացվում են այն ճանապարհները, որոնք անցնելու են Ադրբեջանով, քանի որ ապաշրջափակումը երկկողմանի պրոցես է»,– ասել է նախարարը՝ չպատասխանելով հարցին, թե Ադրբեջանի տարածքում Հայաստանի քաղաքացիների անվտանգությունն ով է ապահովելու։
Ըստ Խուդաթյանի՝ Հայաստանը ստանում է ապաշրջափակված ճանապարհներ տարածքային ամբողջականության, սուվերենության պահպանմամբ, որը շատ կարևոր է մեր պետության զարգացման տեսանկյունից:
«Այս փուլի համար այնքան մեկնաբանություն և այնքան ինֆորմացիա, ինչքան նպատակահարմար է եղել փոխանցել, փոխանցվել է, և ես այս պահին դրան ավելացնելու ոչինչ չունեմ: Առաջիկայում կմեկնարկեն աշխատանքային պրոցեսներ, և այն պահից սկսած, երբ հավելյալ ինֆորմացիա փոխանցելու անհրաժեշտություն լինի, վստահաբար, Կառավարությունն այդ ինֆորմացիան կփոխանցի»,- ասել է նա:
ՈՒՂԻՂ ԵԹԵՐ
Ամենադիտված 
Եկեղեցու դեմ արշավին միացած մոլի նիկոլականը, պարզվում է. Ռոսիա մոլի աշխատակից է
