ՀՀ–ն ու մեր կուսակցությունը ԼՂ բնակիչների կոլեկտիվ վերադարձի վերաբերյալ օրակարգ չունեն. ՔՊ–ական պատգամավոր
Քաղաքական
«Հայաստանի Հանրապետությունն ու մեր կուսակցությունը նման օրակարգ չունեն՝ ԼՂ բնակիչների կոլեկտիվ վերադարձի վերաբերյալ»,- լրատվամիջոցներից մեկի հետ զրույցում ասել է ԱԺ «Քաղաքացիական պայմանագիր» խմբակցության պատգամավոր Արուսյակ Ջուլհակյանը։
«Եթե կլինեն անհատներ, որ կկարծեն կամ կուզեն վերադառնալ Ադրբեջան՝ բնականաբար առանձին կերպով կարող են փորձել։ Բայց մենք իրատեսական չենք համարում ԼՂ բնակիչների վերադարձը Ադրբեջան»,- ասել է պատգամավորն ու ընդգծել. «Նման խոստում տվողները պետք է ազնվորեն ասեն, որ դա կարող է տեղի ունենալ միայն Ադրբեջանի դրոշի ներքո։ Եթե անգամ վերադառնան, վերադառնալու են որպես Ադրբեջանի Հանրապետության քաղաքացիներ»։
«Հայաստանի Հանրապետությունը առանց այն էլ իրեն չափից դուրս շատ հարվածի տակ է դրել Լեռնային Ղարաբաղի ողջ բանակցային գործընթացում։ Եվ դրա պատճառով է եղել նաև, որ մենք վերջում հասել ենք այնտեղ, որ մեր սուվերեն տարածքն է հարձակման ենթարկվել։ Մենք այլևս ոչ մեզ էինք կարողանում պաշտպանել, ոչ առավել ևս՝ Լեռնային Ղարաբաղին»,- ասել է Արուսյակ Ջուլհակյանը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
