Նոր խարդախության սխեմա․ ոստիկանները զգուշացնում են

ՌԴ ՆԳՆ-ն նախազգուշացրել է քաղաքացիներին խարդախության նոր մեթոդի մասին։ Աֆերիստները մեսենջերներով ուղարկում են կեղծ հաղորդագրություններ՝ իբր Ռուսաստանի Բանկից, առաքման ծառայություններից կամ ծանոթներից, որոնցում կցված է .vcf ֆայլ։ Այդ ֆորմատը ներկայացնում է էլեկտրոնային այցեքարտ, որը բացելու դեպքում համակարգը առաջարկում է պահպանել կոնտակտը։

Ոստիկանների խոսքով՝ հենց այս պահին զոհը, առանց ուշադրության, կարող է իր հեռախոսագրքում ստանալ նոր կոնտակտ կամ փոփոխություն հնի մեջ։ Այսպես խարդախները հաճախ «տեղափոխում են» հին ծանոթի անունի տակ իրենց համարները՝ հետագայում հեշտությամբ մոլորեցնելու համար։

Իրավապահները խորհուրդ են տալիս երբեք չբացել անծանոթ աղբյուրներից եկած .vcf ֆայլերը, իսկ բանկերի, առաքման ծառայությունների կամ պետական մարմինների կոնտակտները պահպանել ինքնուրույն։ Միայն այդպես կարելի է խուսափել խաբեություններից ու հնարավոր վնասներից։