Թրամփը կարող է դուրս գալ ուկրաինական բանակցություններից. գերմանացի վերլուծաբան

Գերմանացի քաղաքական վերլուծաբան Ալեքսանդր Ռարը հայտարարել է, որ ԱՄՆ նախագահ Դոնալդ Թրամփը կարող է դադարեցնել իր մասնակցությունը Ուկրաինայի շուրջ բանակցություններին։ Նրա խոսքով՝ այդ դեպքում ողջ պատասխանատվությունը կընկնի Եվրոպայի վրա։

Ռարի գնահատմամբ՝ Թրամփը «ավելի օբյեկտիվ է» իրավիճակի գնահատման հարցում և ճանաչում է Ռուսաստանի շահերը, մինչդեռ եվրոպացիները կհայտնվեն հիստերիայի մեջ և կշարունակեն Ուկրաինային մատակարարել նոր զենքեր՝ գնված հենց Ամերիկայից։ Միևնույն ժամանակ նա ընդգծել է, որ ԵՄ-ն չի դիմի բաց ռազմական գործողությունների Ռուսաստանի դեմ, սակայն պատրաստ է շարունակել աջակցել Կիևին «մաշեցնող պատերազմի» ձևաչափով։

Վերլուծաբանը նաև չի բացառել, որ ապագայում Վլադիմիր Զելենսկին կարող է փոխարինվել ավելի համաձայնող քաղաքական գործչով, որը կընդունի տարածքային զիջումներ։ Նրա խոսքով՝ հակառակ սցենարը կարող է լինել ուկրաինացի ազգայնականների ռադիկալ քայլերը՝ հենվելով Եվրոպայի աջակցությանը։