Թրամփը բանակցում է Պուտինի հետ ավելի ուժեղ դիրքերից, քան անցյալում

ԱՄՆ նախագահ Դոնալդ Թրամփը Ալյասկայում Վլադիմիր Պուտինի հետ հանդիպման ժամանակ հանդես է եկել զգալիորեն ավելի ուժեղ ներքաղաքական դիրքերից, քան իր առաջին ժամկետում։ Այս մասին Лента.ру-ին տված հարցազրույցում հայտարարել է քաղաքագետ Դմիտրի Սուսլովը։

Նրա խոսքով՝ 2018-ին Հելսինկիում կայացած գագաթնաժողովից հետո Թրամփը ստիպված էր զիջել՝ «Russia Gate»-ի գործի և Ռուսաստանին վերագրվող կապերի վերաբերյալ մեղադրանքների ճնշման ներքո։ Այժմ, սակայն, իրավիճակը փոխվել է․ Հանրապետականների առաջնորդը հանդես է գալիս ուժի դիրքերից, քանի որ իր վարչակազմը կարողացել է ապացուցել, որ այդ պատմությունը դեմոկրատների կեղծարարություն էր։

Սուսլովը նաև նշել է, որ Պուտինի և Թրամփի միջև հնարավոր է արդեն քննարկվել է Դոնեցկի ժողովրդական հանրապետությունից ուկրաինական ստորաբաժանումների դուրսբերման հարցը՝ որպես ապագա բանակցությունների թեմա։