Հրապարակվել է Մելանյա Թրամփի՝ Պուտինին փոխանցած նամակի բովանդակությունը
ԱՄՆ
Հրապարակվել է ԱՄՆ նախագահ Դոնալդ Թրամփի կնոջ՝ Մելանյա Թրամփի՝ Պուտինին փոխանցած նամակի բովանդակությունը։ Նամակի հանձնման փաստի մասին հայտնել էր Reuters-ը: Նրանց խոսքով՝ խոսքը վերաբերում է «Ուկրաինայում և Ռուսաստանում» երեխաների «ծանր իրավիճակին», գրում է Euromedia24-ը։
Fox News-ը հրապարակել է հաղորդագրության տեքստը.
«Յուրաքանչյուր երեխա իր սրտում նույն լուռ երազանքներն ունի, անկախ նրանից՝ ծնվել է գյուղում, թե մեծ քաղաքում։ Նրանք երազում են սիրո, հնարավորության և անվտանգության մասին։ Յուրաքանչյուր սերունդ սկսում է իր կյանքը մաքրությամբ՝ անմեղությամբ, որը գերազանցում է աշխարհագրությունը, կառավարությունը և գաղափարախոսությունը: Այսօրվա աշխարհում որոշ երեխաներ ստիպված են իրենց մեջ կրել լուռ ծիծաղ, որը չի դիպչում շրջապատող խավարին՝ լուռ մարտահրավեր այն ուժերին, որոնք կարող են խլել իրենց ապագան:
Պարոն Պուտին, միայն դուք կարող եք վերականգնել նրանց մեղեդային ծիծաղը։ Այս երեխաների անմեղությունը պաշտպանելով՝ դուք ոչ միայն կծառայեք միայն Ռուսաստանին, այլև ծառայություն կմատուցնեք ամբողջ մարդկությանը։
Այսպիսի համարձակ գաղափարը գերազանցում է ցանկացած մարդկային բաժանում, և դուք, պարոն Պուտին, ունեք այս տեսլականը ձեր ձեռքի շարժումով իրականություն դարձնելու կարողությունը»,-գրել է նա։։
Fox News-ի փոխանցմամբ, երբ Թրամփը նամակը հանձնել է Պուտինին, նա անմիջապես կարդացել է այն երկու պատվիրակությունների ներկայությամբ։
Ավելի վաղ հայտնել էինք, որ Թրամփը Պուտինին է փոխանցել իր կնոջ նամակը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
