ԱՄՆ-ում մահացել է «աշխարհի ամենակարեկից դատավորը»

Ամերիկացի դատավոր Ֆրենկ Կապրիոն, որը հայտնի էր իր հուզիչ ելույթներով, մահացել է 88 տարեկան հասակում։ Այս մասին հաղորդվել է նրա պաշտոնական Facebook էջում։

Հայտարարության մեջ նշվում է, որ Կապրիոն մահացել է ենթաստամոքսային գեղձի քաղցկեղից։

«Նրա ժառանգությունը շարունակում է ապրել այն մարդկանց անթիվ բարի գործերով, որոնց նա ոգեշնչել է։ Նրա պատվին մենք կփորձենք աշխարհին մի փոքր ավելի շատ կարեկցանք բերել, ինչպես նա անում էր ամեն օր», - ասվում է տեքստում։

Ֆրենկ Կապրիոն 38 տարի ծառայել է Ռոդ Այլենդի Փրովիդենս քաղաքի քաղաքային դատարանում։ 2023 թվականի դեկտեմբերին նա ձայնագրել է հուզիչ տեսաուղերձ, որում խոսել է իր ախտորոշման մասին։

Դատավորը ճանաչում է ձեռք բերել Caught in Providence ռեալիթի շոուին մասնակցելու շնորհիվ: Նրան մականուն է տրվել «աշխարհի ամենակարեկից դատավոր»՝ մարդկանց նկատմամբ կարեկցանք և ներողամտություն ցուցաբերելու, նրանց սխալների հետևում մարդկայնությունը տեսնելու իր ունակության համար:

Caught in Providence-ը եթեր է հեռարձակվել 2000 թվականին և առաջադրվել է չորս Daytime Emmy մրցանակի: