«Կովերի պարտեզի» շուրջ նոր գաղտնի գործարք են կնքել․ ահազանգ

«Կովերի պարտեզի» շուրջ նոր գաղտնի գործարք են կնքել, ահազանգում են Երուսաղեմի 6 հայկական կազմակերպությունները։

Այն կնքվել է Հայ առաքելական եկեղեցու Երուսաղեմի պատրիարք Նուրհան Մանուկյանի և իսրայելական «Xana Gardens» ընկերության միջև՝ առանց համայնքի հաստատման։ Գործարքը վտանգավոր է, քանի որ այն պարունակում է առաջին փաստաթղթի պահանջները հետ վերցնելու պահանջ։

Պատրիարքարանը հույս ուներ աննկատ ստորագրել պատմական հայկական այգիների փոխանցման վերաբերյալ փաստաթուղթը՝ հակասելով համայնքի շահերին։ Սա, ըստ էության, հաստատում է գործարքի իսկզբնե անօրինական լինելը։ 6 հայկական կազմակերպությունները հայտարարության մեջ կոչ են անում չվավերացնել համաձայնագիրը, հրապարակել դրա բոլոր կետերը և համագործակցել համայնքի հետ, որի ապագան վտանգված է։

2021 թվականի հուլիսին Նուրհան արքեպիսկոպոսը պայմանագիր էր կնքել «XANA-ի հետ, որով 99 տարով վարձակալության էր տալու «Կովերու պարտեզի» տարածքը։ 2023 թվականին Մանուկյանը, հանրային բողոքի ֆոնին, չեղարկեց գործարքը, փաստաբանները դիմեցին դատարան՝ պահանջելով այն անօրինական ճանաչել։ Դրանից հետո մի շարք հարձակումներ իրականացվեցին հայ համայնքի վրա։