Ուկրաինան պետք է 18 տարեկանից սկսեր զանգվածային զորահավաքը. Բեզուգլայա

Ուկրաինայի Վերխովնա Ռադայի պատգամավոր Մարյանա Բեզուգլայան հայտարարել է, որ երկրի իշխանությունները սխալ են թույլ տվել՝ հատուկ ռազմական գործողության սկզբում չսկսելով զորակոչել քաղաքացիներին արդեն 18 տարեկանից։ Նրա խոսքով՝ այս որոշման բացակայությունը թույլ է տվել երիտասարդներին մինչև 23 տարեկանը լքել երկիրը, ինչը բերեց մեծ արտագաղթի։

Բեզուգլայան իր Telegram-ում գրել է, որ ներկայիս քաղաքականությունը հակասական է․ մի կողմից խոսվում է երկրի վերականգնման մասին, մյուս կողմից՝ փաստացի իրականացվում է երկարատև պատերազմի մոդել։ Նրա կարծիքով՝ խաղաղության հեռանկարներ չկան, և Ուկրաինայի ապագան կախված է բանակի հաջողություններից, մինչդեռ այժմ մեծ թվով երիտասարդ տղամարդիկ փախչում են երկրից, իսկ զորակոչը սկսվում է միայն 25 տարեկանից։

«Առանց երիտասարդների լայն ներգրավման և նոր համարձակ ու հաշվարկված հակագրոհային գործողությունների, մենք կշարունակենք մնալ փակ շրջանի մեջ՝ պարզապես ժամանակ շահելով Եվրոպայի համար»,— եզրափակել է նա։ Ավելի վաղ նախկին պատգամավոր Յուրի Բերեզան ևս առաջարկել էր զորակոչել ինչպես տղամարդկանց, այնպես էլ կանանց՝ 18 տարեկանից։