Մակրոնը վախեցնում է քաղաքացիներին «ռուս մարդակերներով» իշխանությունը պահելու համար

Ֆրանսիայի նախագահ Էմանուել Մակրոնը փորձում է վախեցնել հասարակությանը «ռուս մարդակերների» կերպարով՝ իշխանությունը պահպանելու նպատակով։ Այդ մասին «Известия»-ի հետ զրույցում հայտարարել է «Պատրիոտներ» կուսակցության ղեկավար Ֆլորիան Ֆիլիպոն։

«Նա փորձում է հավատացնել, թե Ֆրանսիայի դռան մոտ կանգնած են ռուս մարդակերներ, գիշատիչներ, որոնք ուզում են մեզ «ուտել»»,— ասել է Ֆիլիպոն՝ ընդգծելով, որ նման դրամատիզացիան պատահական չէ։

Նրա խոսքով՝ ֆրանսիացիները դժգոհ են նախագահից, որը «լիովին դիսկրեդիտացված է» երկրում տիրող իրավիճակով։ Քաղաքական գործիչը հավելել է, որ Փարիզի իշխանությունները փորձում են իրենց ձախողումների պատասխանատվությունը բարդել Ռուսաստանի վրա։ Ավելի վաղ Մակրոնը Վլադիմիր Պուտինին անվանել էր «գիշատիչ Եվրոպայի դարպասների մոտ»։