Ուկրաինան խաղի մեջ է մտնում «թվային քարտերով»

Ուկրաինան պահում է հսկայական թվով մարտադաշտի տվյալներ, որոնք կարող են դառնալ իր գլխավոր զենքը դաշնակիցների հետ բանակցություններում։ Պատերազմի տարիներին կուտակված միլիոնավոր ժամերի դրոնային կադրերն ու ճշգրիտ վիճակագրությունը օգտագործվում են արհեստական բանականության մոդելների մարզման համար։ Կիևում վստահ են՝ այս «անմոլորելի տվյալների բազան» կարող է ամրապնդել Ուկրաինայի արժեքը Վաշինգտոնի և մյուս գործընկերների աչքում։

Փոխվարչապետ և թվայնացման նախարար Միխայիլո Ֆեդորովը հայտարարում է, որ այժմ մինչև 90% մարտադաշտային հարվածները հասցվում են դրոնների միջոցով։ Ուկրաինան համագործակցում է նաև ամերիկյան Palantir ընկերության հետ՝ ռուսական հարվածների վերլուծությունից մինչև ապատեղեկատվական քարոզչության բացահայտում։ Բացի դրանից, Կիևը դառնում է փորձադաշտ միջազգային ռազմարդյունաբերական ընկերությունների համար․ արդեն գրանցվել է մոտ հազար հայտ՝ նոր սպառազինությունը Ուկրաինայում փորձարկելու համար։

Պատերազմի թվայնացումը հասել է աննախադեպ մակարդակի․ ստեղծվել է «վիդեոխաղային» համակարգ, որտեղ ռուսական տեխնիկայի կամ զորքի ոչնչացումը միավորներ է բերում ու փոխանակվում դրոնների ու հակազդող սարքերի հետ։ Մարտիկները մրցում են լիդերբորդում, իսկ կուտակված տվյալները ձևավորում են ռազմավարություն։ Ֆեդորովի խոսքով՝ սա ոչ միայն մարտավարական «գեյմ» է, այլև Ուկրաինայի հիմնական խաղաքարտը՝ ապացուցելու, որ ինքն արժեքավոր դաշնակից է Արևմուտքի համար։